Груевски останува почесен претседател на партијата, за него нема сознанија дека учествувал во уцени и закани врз пратениците

По завршувањето синоќа на Централниот комитет на ВМРО-ДПМНЕ, портпаролот на партијата Александар Николовски пред јавноста ги сподели заклучоците кои биле донесени од ова партиско тело.

Откако тој сподели кои се се исклучени од партијата, а меѓу кои е и екс шефот на тајната полиција, Сашо Мијалков, тој беше запрашан што е со екс лидерот Никола Груевски и неговата улога во изминатиот период во партијата?

Николовски рече дека „во моментов за почесниот претседател нема никакви сознанија дека учествувал во таа работа“.