Кривичниот совет денеска треба да донесе одлука за притворите што СЈО ги бара за Никола Груевски, Сашо Мијалков, Гордана Јанкулоска, Миле Јанакиески, Драган Павловиќ-Латас, Елизабета Канческа-Милевска. Од тие причини, подржувачи на ВМРО-ДПМНЕ и денеска се собраа пред Кривичниот суд за да му дадат поддршка на раководството на партијата.
Меѓу присутните на протестот беше и штипјанецот Анѓеле Зафировски, познат во јавноста како Бате Геле. Тој учествуваше и во насилствата во Собранието, на 27 април каде што прв го нападна лидерот на СДСМ, Зоран Заев. Тој и за време на апсењето ја носеше јакната со ликот на Мијалков, а во јавноста стана познат и со морбидните стихови преку кои му порача на Заев дека му нашол поп и му ископал гроб.
Поради постоење можност за протести и околу Законодавниот дом може да се забележи зголемено присуство на специјални полициски единици.
Фото: Томислав Георгиев