На ѕидовите на новата сала за состаноци во основното училиште „Крсте Петков Мисирков” во село Бистрица, урамен, гордо се исправи престедателот на ВМРО-ДПМНЕ Никола Груевски.
Ова го тврди Комисијата за образование на СДСМ, од каде предмалку објавија и фотографии од „уметничкото дело”.
На нив се гледа Груевски, поставен сам на еден ѕид, додека на другите висат македонски револуционери како Гоце Делчев и Јане Сандански. Освен, лидерот на партијата, во канцелариите се поставени и знамињата на ДПМНЕ.
За реновирањето пробавме да ги прашаме за коментар во училиштето, но не одговараа на нашите повици. На телефон ја побаравме и директорката на училиштето Јованка Трајчевска, но нејзината мајка ни рече дека не е дома. Побаравме нејзин мобилен телефон, но не знаше да ни го каже.
И. К.
