Ермира ги претрка Тевдоски и Самак

by fokus 11:44
11:44

Вчера во Скопје се одржа атлетската трка „Скопје трча 10к“ на која силите ги измерија не само голем број на докажани атлетичари, љубители на спортот и аматери, туку и познати политичари.

Експратеничката на ДУИ, Ермира Мехмети, министерот за финансии Драган Тевдовски, и поранешниот министер без ресор Веле Самак кој што беше задолжен за привлекување на странски инвестиции беа само дел од натпреварувачите кои учествуваа во трката.

- Advertising -

Ермира Мехмети заврши со одличен пласман во женска конкуренција и го освои педесеттото место, со време од 57 минути, додека пак Тевдовски во машка конкуренција заврши педесет и шести, со време од 43 минути и 59 секунди.

Веле Самак, заврши на 301-во место, со време од 56 минути и 18 секунди.

Сите тројца се познати љубители на атлетиката.

Трката предизвика големо внимание, многу учесници и публика, и помина во весела атмосфера.

Организатор е Сојузот на спортови на Скопје, во соработка со А.К.Работнички и Атлетската федерација на Македонија.

Генерален покровител на СКОПЈЕ ТРЧА 10КМ е Агенција за Млади и спорт, помогната од партнери и спонзори. Оваа трка е влезена во календарот на Атлетската федерација на Македонија (АФМ) и Европската Атлетска Асоцијација (ЕАА), а од следната година предвидено е да стане член на Меѓународната асоцијација на маратони и улични трки (АИМС).

Вики Клинчарова

Поврзани новости