Експлозија во Мадрид поради истекување на гас, три лица загинаа

by Фокус 21:57
21:57

Најмалку три лица загинаа во експлозија што се случи во зграда во центарот на Мадрид од истекување на гас, по што настанал и пожар.

Градоначалникот на Мадрид, Хозе Луис Мартинез-Алмеида, го посети местото на експлозијата и изјави дека не може да потврди колку луѓе се повредени.

- Advertisements -

Како што пренесуваат шпанските медиуми, домот за стари лица, кој е сместен во зградата, е евакуиран, иако нема пријавено повредени меѓу неговите станари.

Во зградата живееле и свештеници каде подготвувале јадења за бездомници.

Полицијата го опколи местото на несреќата во Мадрид и ги повика граѓаните да ја избегнуваат областа.

Поврзани новости