Две лица загинаа во шумски пожари во Италија

Во шумските пожари што горат низ јужна Италија загинаа две лица на фарма во Сан Лоренцо во регионот Калабрија.

Телата на маж и жена се пронајдени на фарма во Сан Лоренцо, откако пожарот зафати плевна и друга зграда.

Италијанската новинска агенција наведува дека парот се обидувал да ја спаси маслиновата градина од пожарот.

Во изминатите неколку денови, делови од јужна Италија беа зафатени од пожари, а најтешко погодени се Калабрија, Сицилија и Пуља.