ДУИ денеска на Централно претседателство ќе одлучи дали ќе влезе во влада

Демократската унија за интеграција денеска свика нов состанок на Централното претседателство на кое треба да се донесе одлука дали партијата ќе влезе во влада со СДСМ или пак ќе поддржи малцинска влада.

-Поради некои околности кои се поврзани со рокови одлучивме да дадеме подршка со десет пратеници на СДСМ, но тоа не значи дека имаме договор за коалиција, само се дава поддршка за мандат, за да се деблокираат некои процеси, рече во петокот Бујар Османи.

Од ДУИ остануваат на ставот дека предлог-законот за употребата на албанскиот јазик е главен и единствен услов од кој ќе зависи нивното учество во владата.