Државниот завод за статистика се корегираше: Не падна интернетот, туку имаше проблем со апликацијата

by fokus 17:12
17:12

Од Државниот завод за статистика информираат дека денеска се појавиле проблеми при пописот на населението, појаснувајќи дека проблемот не бил во интернетот, како што првично информираа.

-Денеска во претпладневните часови се појавија спорадични и локациски изолирани проблеми при процесот на попишување на населението на терен. Во кратки периоди и на одредени локации апликацијата за попишување не функционираше и одреден број на попишувачи не можеа да попишуваат. Техничките тимови интензивно работеа на отстранување на проблемот и за кратко процесот продолжи непречено. Би сакале да потенцираме дека проблемот што се појави не се должи на интернет конекцијата со која се овозможува попишување, туку ова се можни и нормални проблеми кои се резултат на поголем број паралелни сесии.

- Advertisements -

Колку за илустрација, во тие 2-3 часа додека траеја техничките проблеми, беа попишани речиси 10 илјади лица на целата територија на државата.

Државниот завод за статистика се извинува за лошо изнесената изјава дека проблемите се должат на паѓање на интернетот и јавно се извинува на Македонски Телеком АД за несреќно дадената изјава што се должи на недостиг на точни информации, се вели во соопштението на Државниот завод за статистика.

Поврзани новости