ДИК во 11 часот на јавна седница ќе одлучува за приговорите

Државната изборна комисија денеска во 11 часот ќе одржи седница на која ќе одлучува за приговорите кои партиите ги поднесоа за изборниот процес. Седницата ќе биде отворена за јавноста и ќе се одржи во големата сала на ДИК.

-Единствена точка на дневен ред ќе биде разгледувањето и одлучувањето по приговорите поднесени од подносителите на листи на кандидати за пратеници во Собранието, а кои се однесуваат на постапката за гласање и на постапката за сумирање и за утврдување на резултатите, се вели во соопштението на ДИК.

СДСМ и БЕСА поднесоа по осум приговори. Од двете партии велат дека доколку им се освојат приговорите ќе дојде до промена на бројот на мандати.