Џордан го купи најбрзиот кабриолет во светот, за него плати 3,5 милиони долари

Најдобриот кошаркар на сите времиња Мајкл Џордан реши да се почасти со нов ѕвер на четири тркала.

Тој купи кабриолет кој важи за најмоќниот и најбрзиот во светот. Станува збор за скапиот суперавтомобил „Hennessey Venom F5 Roadster“ кој е направен само во околу 30 примероци.

Медиумите истакнуваат дека легендарниот кошаркар за овој ѕвер на тркала потрошил околу 3,5 милиони долари.

F5 Roadster има V8 мотор со два турбоа и речиси 2.000 коњски сили.

Од компанијата тврдат дека овој автомобил може да надмине брзина од 480 километри на час и го нарекуваат „најбрзиот и најмоќниот кабриолет во светот“.