Денеска ќе заседава Централниот одбор на СДСМ

Денеска треба да заседава Централниот одбор (ЦО) на СДСМ, при што се очекува Димитар Ковачевски да биде потврден за мандатар за формирање нова влада.

Очекувањата се и дека ЦО ќе избере и ново партиско раководство што би значело нов состав на Извршниот одбор, како и нови потпретседатели и секретари на партијата, по предлог на наследникот на Зоран Заев на „Бихаќска“.

Ковачевски претходно најави дека во актуелниот состав на ЦО ќе кооптира нови членови, како можност што му ја дозволува партискиот Статут.

За нов генерален секретар на партијата се очекува да биде именуван Миле Зечевиќ, а заменик-претседателската Сања Лукаревска, пак, се очекува да ја задржи функцијата.