Четири нови случаи на корона вирус во Македонија

Министерот за здравство, Венко Филипче денеска информираше дека има четири нови пациенти позитивни на тестот за корона вирус.

Пациентите се од Дебар и веднаш ќе бидат пренесени на лекување на скопските клиники.

Што се однесува до досегашните заболени од корона вирус, кај една пациентка има влошување на состојбата и е на граница да биде ставена на апарат за механичка вентилација.