635
Регистрирани се 28 нови случаи на корона вирус во тек на денот во Тиквешијата. Од нив 15 се од Кавадарци, 12 од Неготино и еден од Росоман.
Инфицираните од Неготино се на возраст од 20 до 59 години, во Кавадарци од 28 до 74 години и на 47 години од Росоман. Со тоа, бројот на активни случаи во Тиквешијата се зголеми на 552, од кои 376 се во Кавадарци и 176 во Неготино.
Од почетокот на пандемијата во Тиквешко се инфицираа 1.003 лица, од кои 745 во Кавадарци и 258 во Неготино. Починати се две лица на возраст од 65 и 70 години од Кавадарци на ковид одделот во кавадаречката болница.
Вики Клинчарова