Имам посебно задоволство да им упатам честитки до сите граѓани на Република Македонија за добивањето на поканата за членство во НАТО која претставува исклучително големо и значајно постигнување во однос на сигурната иднина на нашата земја, порача лидерот на ДУИ, Али Ахмети, по повод поканата од НАТО преговори за зачленување на Македонија во Алијансата.
„Евроатланската интеграција беше патоказ на нашата политичка и општествена активност уште од зачетоците на нашата дејност но истовремено и нашата конзистентна посветеност кон остварувањето на овој стремеж, при што за цело време бевме недвосмислено фокусирани кон оваа цел, резултираше со заеднички успех. Целосната интеграција на нашата земја, но и на регионот во НАТО, ја прави целосна нашата слобода, овозможува безбедност, стабилност, оддржлив мир, добри меѓуетнички односи, економски развој и општествена благосостојба“, вели Ахмети
Според него овие постигнувања се резултат на заедничка работа на сите граѓани, политичките партии, граѓанското општество, академската фела, медиумите и меѓународните пријатели.
„Постигнувањата во оваа година кои овозможуваат еднаквост и евроатланска интеграција се стремеж на сите граѓани и политички партии во земјата, затоа сите ние заедно треба да работиме за успешно заокружување на овој процес. Овој сон на нашите граѓани кој почнува да се остварува, денес бара од нас да се обединиме околу Евроатланска Македонија.