Зеленска од Њујорк со порака до светските лидери: Вратете ни 19.000 киднапирани деца!

Олена Зеленска, сопругата на украинскиот претседател Володимир Зеленски вчера ги повика светските лидери да помогнат во враќањето на украинските деца кои биле насилно однесени во Русија. Таа рече дека тие биле индоктринирани и лишени од нивниот национален идентитет, пренесува Франс прес.

На маргините на Генералното собрание на Обединетите нации во Њујорк, Зеленска рече дека повеќе од 19.000 украински деца биле насилно префрлени или депортирани во Русија или на окупираните територии, а од нив досега во Украина се вратиле само 386.

“Во Русија им рекле дека на родителите не им требаат, дека на нивната земја не и требаат, дека никој не ги чека. Им рекле дека повеќе не се украински деца, туку дека се руски“ – порача Зеленска.