Заврши постапката за набавка на респиратори, обезбедени вкупно 31 респиратор

Во рамките на министерството за здравство согласно уредбата на Владата заврши постапката за набавка на респиратори, соопшти министерот за здравство, Венко Филипче.

Од девет економски оператори, два ги задоволувале условите во однос на рокот и во однос на критериумите.

-Еден дел од респираторите ќе стигнат во следните седум дена, а другите, од вкупно 31 колку што успеавме да обезбедиме, во текот на следните 30 дена. Со тоа ќе го надополниме моменталниот капацитет на респираторни машини, рече Филипче.