Заев: Успехот на ракометарите е мотив да се инвестира повеќе во спортот

Премиерот Зоран Заев им ја честиташе шампионската титула на ракометарите на Вардар и изјави дека нивниот успех е мотивација за новата Влада да размислува за засилено темпо во инвестирањето во спортот и за дополнително предлагање закони кои ќе бидат во насока на подобрување на условите за спортистите.

„Успехот кој го постигнавте е многукратно поголем за промоција на Македонија, од сите амбасади и економски промотори“, рече премиерот Зоран Заев, пред ракометните шампиони од ракометниот клуб Вардар, кои денеска имаа прием во премиерскиот кабинет.

Од името на Владата, тој на ракометарите им врачи свечена плалета, а сопственикот на РК Вардар Сергеј Самсоненко, на премиерот му даде еден од шампионските златни медали.