Заев: Правиме се да најдеме мирно и ненасилно решение на кризата

Даваме максимални напори по мирен и ненасилен пат да најдеме решение за политичката криза, рече лидерот на СДСМ Зоран Заев по средбата со бугарскиот премиер Бојко Борисов, како и со други високи државни функционери кај источниот сосед на Македонија.

– Дојдовме, исто така, да им се заблагодариме на претставниците на Бугарија, вклучително и на премиерот Борисов и на сите чинители во европските институции, коишто вложуваат максимални напори, преку дијалог да се изнајде решение за проблемите во Македонија – истакна Заев.