Вработени во службата на Лекарска комора се заразиле со Ковид на свадба

Двајца вработени во административната служба на Лекарската комора се позитивни на Ковид-19. Од Комората за „Фокус“ велат дека вработените, кои не се лекари, не се заразиле на работното место туку на свадба, додека користеле годишен одмор.

Иако вработените се заразиле на одмор, во соработка со Центарот за јавно здравје – Скопје направена е епидемилошка анкета, тестирани се сите вработени и сите тестови се негативни. Нема прекин во работата на Комората.