Воз излета од шините во Индија, најмалку четири лица загинаа

Најмалку четири лица загинаа, а речиси стотина се повредени кога вагоните на експресниот воз излетаа од шините во индиската држава Бихар, јавија денеска локалните медиуми.

Неколку вагони од воз на линијата Њу Делхи до Асам излетаа од шините во близина на станицата Рагунатпур, во областа Буксар.

Поради несреќата, железничкиот сообраќај беше отежнат во двата правци, а неколку патнички и товарни возови беа пренасочени.