Вонредна состојба е прогласена во западната канадска провинција Британска Колумбија, откако патните и железничките врски во регионот беа прекинати поради силно невреме, јавува Би-Би-Си.
Канадските војници им помагаат на илјадници жители кои останаа заробени по невремето што ја погоди областа во неделата навечер.
Премиерот Џастин Трудо вети помош за време на посетата на Вашингтон и рече дека војската ќе помогне во обновата.
Една жена загина, а две лица исчезнаа во одроните.
Илјадници луѓе беа евакуирани по т.н атмосферска река – концентрирана влага во атмосферата која носи вода од тропските предели до половите – го исфрли просечниот месечен дожд во регионот за само 24 часа.
Властите во регионот ја припишуваат природната катастрофа на ефектите од климатските промени.
Блокиран е пристапот до најголемото пристаниште во земјата, уништени се важни патишта.
Поплавите во Британска Колумбија го блокираа пристапот до најголемото пристаниште во земјата и уништија неколку важни патишта, предизвикувајќи лизгање на земјиштето кои загрозија илјадници луѓе и однесоа најмалку еден живот.
Официјални лица предупредуваат дека бројот на загинати може да се зголеми бидејќи се уште има исчезнати лица.