Водачот на кавачкиот клан Радоје Звицер е убиен во Панама

Вечерва во Панама е убиен шефот на озлогласениот црногорски кавачки клан Радоје Звицер, јавуваат српските медиуми.

Според првичните информации, Звицер е убиен во изнајмена вила.

Истражните тела во Србија се известени за убиството на Звицер, иако конечната потврда ќе ја објави Еуропол.

Врз Звицер повеќе пати имаше обиди за убиство.

Пред две години се обидоа да го убијат во близина на неговиот стан во Киев, среде бел ден кога отишол да трча.

Звицер беше еден од највлијателните луѓе на балканското подземје и шеф на кавачкиот клан.

Беше поврзуван со бројни убиства, продажба на дрога и други кривични дела.

Се верува и дека тој стои зад ликвидацијата на шефовите на „Шкаљарскиот клан“, Игор Дедовиќ и Стеван Стаматовиќ во Атина.

Станува збор за одмаздата за продажбата на информации за товар со дрога вреден околу една милијарда евра на ДЕА и ФБИ.

Инаку, Звицер поседува и лажен македонски пасош, потсетуваат локалните медиуми.