Во случајот „Рендген“ осомничениот ќарил 860 илјади евра

Специјалното јавно обвинителство отвори трета истрага под кодно име „Рендген“.

Во овој случај, тогашниот министер за здравство се сомничи дека ја злоупотребил службената положба и овластувања при јавна набавка на медицинска опрема и друга опрема за радиолошките служби во 4 здравствени установи во земјава.

– Лица од фирмата, користејќи инсајдерски податоци, изготвиле студија која потоа осомничениот ја добил на личниот меил. Откако во јавноста се објавени информации за учество на фирмата на позната новинарка и нејзината мајка, во 2014 година соработката е раскината. Осомничениот продолжил со дејствија и склучил договор со второрангираната фирма при што се стекнал со имотна корист од 860 илјади евра – додаде Фатиме Фетаи.