Во прекин е сообраќајот кај месноста Баткова Чешма, во Делчевско

Поради сообраќајна несреќа во која едно возило излетало од патот кај месноста Баткова Чешма, Делчевско, во прекин е сообраќајот на патот Делчево – Македонска Каменица – Кочани.

Интервенирала Итната медицинска помош, едно лице е повредено и со возило и присуство на доктор е упатено кон Клиничката болница во Штип.

Полицијата врши увид на терен, а возилата се пренасочуваат преку алтернативни патни правци.

Причините за несреќата засега не се познати, а повеќе детали се очекуваат во текот на денот.