Вмровци барале организирање на контра-протести

by Фокус 19:28
19:28

Премиерот Никола Груевски вечерва гостуваше на вестите на Сител и рече дека му стигнувале многу пораки од членови на ВМРО-ДПМНЕ со барање тие да се саморганизираат и да го изразат револтот од протестите против полициската бруталност, кои започнаа вчера.

-Тоа не треба да се прави, треба да се биде смирен, мудар, разумен. Не треба да се влегува во сценариото на Заев, рече Груевски.

- Advertisements -

Според него, кризата треба да се реши со транспарентна постапка и преку дијалог во парламентот. Груевски рече дека тој знаел на кој начин биле добиени снимките кои ги објавува СДСМ, а сега тоа требало да го препознаат институциите и јавноста.

Тој уште еднаш обвини дека протестите за затскривањето на убиството на Мартин Нешковски се организирани од опозициската СДСМ.

 

Поврзани новости