ВМРО-ДПМНЕ: Владата отвора простор за партиски вработувања во администрацијата

by fokus 20:07
20:07

Со измените на Законот за државна администрација се отвора вратата за партиски вработувања и бркања од работа на вработените кои не се политички подобни, реагираат од ВМРО-ДПМНЕ на измените на Законот.

-Ова не е реформа туку политизација на целокупната администрација по која многумина политички неподобни ќе останат без работа, велат од ВМРО-ДПМНЕ во соопштение испратено до медиумите.Постојниот Закон за државна администрација беше донесен во целосна согласност со европското законодавство и беше највисоко оценет од експертската јавност. Новите измени што ги предлага Владата се во насока на рушење на постојните стандарди и воведување полесни механизми за бркање од работа. Вработените ќе бидат незаштитени, со што се нарушуваат основните работнички права, се вели во соопштението на опозициската партија.

- Advertisements -

Можноста, како што велат од ВМРО-ДПМНЕ, што се предлага за унапредување по неколку скалила одеднаш претставува деградирање на целокупниот систем и можност партиските кадри на СДСМ без потребното искуство да бидат унапредени.

Поврзани новости