ВМРО-ДПМНЕ: СДСМ нема основни познавања од транспортната политика на Македонија

Очигледно СДСМ немаат основни познавања од транспортната политика што се спроведува во Република Македонија и затоа објавуваат паушални и неточни информации, реагираат од ВМРО-ДПМНЕ на денешните обвинување од СДСМ за патиштата.

-Во ниту еден случај во Република Македонија не се запрени пари за инфраструктурни проекти, напротив за сите проекти што се реализираат обезбедени се финансиски средства и сите се во фаза на реализација, велат од ВМРО-ДПМНЕ.

Од партијат додаваат дека само СДСМ не гледала или пак не сакала да признае дека оваа влада инвестира преку една милјарда евра само во изградба на патна инфраструктура.