ВМРО-ДПМНЕ и СДСМ не можат да се договорат околу директорот на ОТА

by fokus 13:57
13:57

Власта и опозицијата сѐ уште не можат да се усогласат околу изборот на директорот на новата агенција за прислушување, поточно Оперативно – техничката агенција – ОТА, иако предлогот треба денеска да помине на собранска комисија. 

Токму поради тоа седницата на собраниската Комисија за прашања на изборите и именувањата од 14 часот се презакажа за 15 часот со надеж дека ќе се дојде до усогласен став.

- Advertisements -

Во игра за директор се 14 пријавени кандидати, но како што дознаваме од ВМРО-ДПМНЕ постојано се предомислувале и не сакале да подржат ниту еден од нив. Без согласност на опозицијата нема да се избере директор, бидејќи за него треба да гласаат две третини од пратениците.

Меѓу кандидатите се и професорот Стефан Буџаковски, електроинженерот Ѓорги Лазаревски, кој заедно со Звонко Костовски ја разоткрија аферата со масовното прислушување, потоа Димитар Богатинов експерт од сферата на сајбер криминалот и полковникот Драган Ковачки поранешен раководител во службата за Воено Разузнавање.

Иако според дел од медиумите еден од главните фаворити за директорската позиција е поранешниот министер Силјан Аврамовски, сепак тој воопшто не конкурирал, што значи дека не е во игра.

В.В.

 

Поврзани новости