Утре од девет часот ќе бидат пуштени во продажба влезниците за концертот на музичката дива Јосипа Лисац (73), и можат да се купат по цена од 1.990 денари онлајн на ticketx.mk, како и ширум продажната мрежа на ticketx.
Концертот на Јосипа ќе се одржи на трети ноември во Македонска Филхармонија, а организатор е Авалон Продукција.
Од таму истакнуваат дека Лисац ќе го прослави јубилејот, 50 години од издавањето на албумот ,,Дневник једне љубави” и во Скопје, и ќе се пејат сите нејзини големи хитови.
Нејзиниот последен концерт во Скопје се одржа пред пет години, и беше дел од нејзината турнеја ,,50 години Јосипа”.
Култниот албум ,,Дневникот на една љубов” кој беше издаден пред пет децении, и во чија чест се одржува нејзината сегашна турнеја, е дело во кое е овековечена нејзината љубов со композиторот Карло Метикош, кој почина во 1991 година, на 52-годишна возраст.
Во постаро интервју за хрватските медиуми, таа откри дека првата средба им се случила во 1970 година во Скопје, каде имале заеднички настап со повеќе музичари, а љубовната врска ја започнале една година подоцна.
И по 32 години од неговата смрт, таа прави концерти со кои ја одбележува годишнината од неговата смрт.
Вики Клинчарова