Владата се задолжи 5 милиони евра повеќе од планираното

 Владата денеска на домашниот пазар се задолжи за 34 милиони евра, пет милиони евра повеќе од планираното. Веќе утре, за стари долгови Владата на кредиторите треба да им врати 29 милиони евра.

Најголем дел од новиот заем е со рок на доспевање од една година, а беа понудени и шестмесечни записи.

Инаку, јавниот долг на државата достигна 4,2 милијарди евра или 45,3 отсто од БДП и последниве години постојано е во пораст.