Влада на широка коалиција за излез од кризата

Се уште нема потврда од Брисел за доаѓањето на Хан во понеделник во Македонија, а дипломатски извори велат дека средбата во понеделник ќе биде продолжение на преговорите во Стразбур, пренесува телевизија 24 Вести. Според истите извори, се очекува да биде предложена влада на широка коалиција во која ќе влезат четирите најголеми партии.

За ова да се реализира, проблем е инсистирањето на Груевски тој да биде премиер и во таа влада, што за опозицијата е неприфатливо. Дипломатските извори велат дека едно од можните решенија е Груевски да го отстапи премиерското место во преодната влада, но тоа да го наследи некој друг од ВМРО-ДПМНЕ.