Товарен воз во Индија поминал повеќе од 70 километри без машиновозач. Индиските железници наредиле истрага за случајот.
Видеата на социјалните мрежи покажуваат како возот со голема брзина поминува покрај неколку станици. Индиските железници соопштија дека возот е запрен и никој не е повреден, јавува Би-би-си.
Возот со 53 вагони, кој носеше иверка, беше насочен кон Пенџаб од Џаму и беше запрен во Катуа за замена на персоналот. Официјалните лица велат дека тој почнал да се движи надолу по железничката пруга кога машиновозачот и неговиот помошник се симнале.
Breaking: Testing of India's first driverless good train is a huge success. On the other hand, loco pilots are planning a strike against this move. pic.twitter.com/b0JqeEIRlc
— Venkat 🐶 (@snakeyesV1) February 25, 2024
Возот се движел со брзина од речиси 100 километри на час и успеал да помине пет станици пред да биде запрен.
„Возот беше запрен кога службеник на железницата постави дрвени блокови на шините“, изјавија официјални лица за ПТИ.
Дрвените блокови помогнаа да се забави возот.