Лажната проевропска коалиција СДС и ДУИ не престанува да ја срами и скандализира Македонија во меѓународните очи, со заштита и поддршка на партиските банди, обвини портпаролот на ВМРО-ДПМНЕ, Наум Стоилковски.
„Цела недела лажната проевропска коалиција бега од вистинско правно -политичко приоѓање кон Загрозување на меѓународниот авиосообраќај над Македонија.
Лажната проевропска ориентација на СДС и ДУИ е до толку поголема, што цела недела НАТО држави се загрижени за безбедноста на македонското небо, а ЕУ бара итно расчистување на корупцијата, кронизмот во Македонската навигација. А, каков е одговорот на лажните проевропејци од СДС- ДУИ?
По цела недела укажувања, Владата се обидува повторно да инсталира член на партиските банди за директор без потребни квалификации! По цела недела укажувања, нема вистински правен одговор за Загрозување на меѓународниот авиосообраќај“ изјави Стоилковски.
Тој додаде дека помина цела недела од насилниот упад на, како што рече, партиска банда на ДУИ предводена од Беким Незири и 7-мина од блиските на врвот на ДУИ, а се уште нема правна разрешница.
„Владата на сила турка формулација „колегијално кошкање“. Ова е срамно, но и безбедносно прашање. Но повеќе и од лажните пророци за европски вредности никој и не очекува. Вистинска правна разрешница ќе има по изборите. Никогаш не било полошо, важно е да ги поразиме!“ порача Стоилковски.