Околу 900 тони литиумски батерии горат во фабрика за рециклирање батерии во јужна Франција, создавајќи облак од густ црн чад, соопштија денеска француските власти.
Пожарот избувнал во саботата во магацин во сопственост на француската група за рециклирање СНАМ во Вивиез, северно од Тулуз, објави локалниот функционер Паскал Мазе на мрежата Х.
Весникот „Монд“ објави дека околу 70 пожарникари се борат да го стават пожарот под контрола. Локалниот функционер Чарлс Џусти изјави за телевизијата БФМ дека нема опасност за луѓето што живеат во близина.
900 tonnes de batteries au lithium sont en train de se consumer, dimanche 18 février, dans un entrepôt de stockage en feu depuis la veille, à Viviez (Aveyron). Les premières analyses de l’air semblent écarter toute pollution chimique.#JT13H pic.twitter.com/pA640fBr15
— Info France 2 (@infofrance2) February 18, 2024
Литиумските батерии се од витално значење во електричните уреди од телефони до електрични автомобили, но тие содржат запалливи материјали кои, во комбинација со енергијата што ја складираат, може да ги направат подложни на палење кога се изложени на топлина. Согорувањето на литиумските батерии е потенцијална опасност поради ослободување на токсични материи.
Издадено е безбедносно известување со предупредување дека, во случај на голем пожар, производите во фабриката најверојатно ќе испуштаат кадмиум.
Кадмиумот е многу токсичен и опасен за животната средина, но се наведува дека отровните испарувања не треба да претставуваат непосредна опасност по здравјето на жителите.