414
Голем пожар избувна денеска во областа Куварас на истокот од грчкиот полуостров Атика, соопшти Бригадата за противпожарна заштита.
Пожарот избувнал нешто по пладне и се шири низ ниската вегетација.
Станбените области во моментов не се загрозени и покрај силниот ветер, пренесува „Екатимерини“.
Како мерка на претпазливост беше издаден итен аларм, но засега нема извештаи за евакуација.
За гаснење на пожарот беа ангажирани копнените и воздушните сили.
Тим од 30 пожарникари го гасне пожарот со 14 возила, поддржани од два авиона кои фрлаат вода и хеликоптер.