„Почитувани граѓани, важно е европскиот сон да го живееме овде во Македонија. Преку преговорите за пристап во Европската Унија ние ќе ги донесеме европските вредности во нашата земја. Имаме лесен избор, од седумте кандидати за претседател, нашиот претседател Стево Пендаровски е човекот којшто го поддржува европскиот концепт. Човекот којшто се труди да обезбеди подеднакво простор за секој во Македонија. Човекот којшто не нѐ дели по ниту една основа, за него сите во Македонија се исти“ вели во снимено видео објавено на Фејсбук екс министерот за внатрешни работи, Оливер Спасовски.
Тој вели „затоа борбата ќе биде силна и на 24 април таа борба ќе заврши со победа на нашиот Стево Пендаровски, затоа што овој концепт нема алтернатива“.
„Ве повикувам сите на 24 април да направиме предвесник и за парламентарните избори на 8 мај. На 24 април да гласаме за нашиот претседател Стево Пендаровски, да го заокружиме бројот 1 за европска иднина на Македонија“ се вели во видео пораката на Спасовски.