За време на неговата официјална посета на Северна Кореја, белорускиот претседател Александар Лукашенко размени подароци со севернокорејскиот лидер, Ким Џонг Ун. Меѓу подароците беа оружје, златни предмети и уметнички дела.
Севернокорејскиот лидер му подари на белорускиот претседател сабја и голема вазна украсена со школки во традиционален стил. Му подари и комеморативна златна монета, искована во чест на посетата на белоруската делегација.
Лукашенко му возврати на Ким Џонг Ун со подароци од Белорусија, вклучувајќи локални прехранбени производи како што се чоколадо, бел слез и црн леб.
🇧🇾🇰🇵 Lukashenko gifts Kim Jong Un a Belarussian variant of AK — VSK 100
“In case enemies appear”
Kim can definitely handle the AK platform — what do you think? pic.twitter.com/VraO5o8N3K
— Lord Bebo (@MyLordBebo) March 26, 2026
Посебен подарок за севернокорејскиот лидер беше автоматска пушка VSK.
„На еден војник секогаш ќе му треба огнено оружје“, рече Лукашенко, истакнувајќи дека Белорусија произведува сопствено мало оружје и муниција.
Ким Џонг Ун покажа интерес за пушката, му се заблагодари, внимателно ја испита и се распраша за нејзините карактеристики, а се обиде и да ја репетира.
„Точно!“ Ким Џонг Ун знае како да користи оружје“, коментираше Лукашенко и додаде: „За секој случај ако се појават непријатели“.