Поранешниот шеф на тајната полиција Зоран Верушевски, ќе му биде советник за национална безбедност и на премиерот Димитар Ковачевски, откако на оваа позиција беше и кај претходниот премиер Зоран Заев.
Според информации на Фокус, тој ќе биде и најскапо платен советник со плата 74.600 денари, додека по него, според висината на платата, следуваат советниците за надворешни работи и за административно право, Едмонд Адеми и Елена Оранска-Петковска, чии плати изнесуваат по 55.200 денари.
Инаку, тие ќе биде таканаречени кабинетски и посебни советници, додека, како што веќе објавивме, Ковачевски ќе има 12 надворешни советници, меѓу кои банкарот Глигор Бишев, универзитетските професори Предраг Трпески, Ванчо Узунов и Антон Чаушевски.
На овој список се и Ана Данева-Маркова (здравство), Спасе Додевски (образование и социјала), Маја Ангеловска (дигитализација), Симона Ристеска (даночна политика).
В.С.