Вчера во светот регистриран најголем број на новозаразени во еден ден

Глобалната пандемија на новиот корона вирус се забрзува, a вчера беа регистрирани 150.000 нови случаи – најмногу во еден ден, изјави денеска генералниот директор на Светската здравствена организација (СЗО), Тедрос Аданом Гебрејесус.

– Речиси половина од пријавените случаи се од американскиот континент, рече тој на виртуелен брифинг.

– Светот е во нова и опасна фаза… вирусот се уште се шири брзо, тој се уште е смртоносен и повеќето луѓе се уште се подложни на заразување, истакна Тедрос.