Ужас во Флорида: Децата врескаат додека напаѓачот пука во нив

Седумнаесет лица се убиени во нападот со огнено оружје во средно училиште во Паркленд Флорида, што вчера напладне по локално време го изврши 19-годишно момче. Повеќе од 20 се повредени и пренесени во локалните болници.

Николас Круз, кој бил уапсен два часа по масакрот, е поранешен ученик во ова училиште кој бил избркан поради недисциплина, а полицијата вчера накусо соопшти дека при проверката на неговиот профил, откриени се многу вознемирувачки детали.