Украинската армија: Борбите за Бахмут продолжуваат

Генералштабот на украинската армија во денешниот извештај вели дека борбите за градот Бахмут продолжуваат.

-Окупаторите извршија воздушни напади кај Бахмут и Иванивска. Украинските одбранбени сили одбија бројни непријателски напади во близина на градот Маринка. Покрај тоа, непријателот го гранатираше селото Побиеда во регионот Доњецк. Руските сили гранатираа станбени згради, куќи, градинка и други цивилни инфраструктурни објекти, при што беа повредени некои цивили, се вели во извештајот.

Во извештајот се додава и дека имало масивен ракетен и воздушен напад врз украинските цивилни и критични инфраструктурни објекти, кои ги погодиле градовите Днипро и Запорожје и населбите во регионот Харков.