Украдена ѕвездата на Горан Пандев од плоштадот во Струмица

На плоштадот „Гоце Делчев“ во Струмица, денеска, ја снема ѕвездата на македонскиот фудбалски репрезентативец, Горан Пандев.

Ѕвездата беше поставена во 2010 година како симбол на освоената титула Европски и Светски шампион со италијанскиот гигант Интер. Истата година беше реконструиран и струмичкиот плоштад.

Општина Струмица го осудува вандалскиот чин на крадење на ѕвездата на нашиот фудбалер Горан Пандев и случајот го пријави во полиција која изврши увид на местото каде што беше поставена ѕвездата на Пандев.