Царовска: Разочарана сум од најавениот протест против отворање дом за деца со попреченост

by fokus 19:33
19:33

Изненадена сум и искрено разочарана од реакциите на некои граѓани по повод отварањето на мал групен дом за деца со попреченост во с. Тимјаник, Неготино. Станува збор за дом каде ќе се сместат неколку деца кои на ниеден начин не претставуваат закана за локалните жители, ниту пак  ќе влијаат на секојдневито на граѓаните, вели министерката Мила Царовска.

-Овие деца, од кои за жал повеќето се неподвижни, се преместуваат како би имале похумани услови за живот и семејна атмосфера. Жално е што се уште постојат толку предрасуди, но токму против ваквите размислувања силно се бориме. Сакам да им порачам на сите кои се плашат или се загрижени дека нема никаква потреба за тоа. Децата во домот не се никаква опасност за нив или нивните деца, ќе бидат под 24 часовна грижа и нема да им го нарушуваат животот.

- Advertisements -

Се надевам дека ќе преовлада разумот и дека на крајот ќе имаме успешен процес на преселба на децата од институциите во малите домови“-пишува министерката за труд и социјална политика, Мила Царовска, по најавениот протест во ова село, каде таа треба да оди утре.

Поврзани новости