Транспаренси Интернешнел Македонија најави тужба за клевета за весникот „Дневник“

by Фокус 12:56
12:56
Здружението „Транспаренси Интернешнел Македонија“ ги демантира наводите изнесени во дневниот весник „Дневник“, во статијата насловена „Холандија поддржува, Тасева бара амнестија за Заев и за Верушевски?“ потпишана од новинарите Лепа Ѓеоргиевска и Катерина Нешкова, објавена во електронското издание на весникот на 01.06.2015 година и во печатеното издание на весникот на 02.06.2015 година. Поточно во текстот се наведува дека кампањата whistleblowers на здружението била наменета за да се бара заштита на Заев и Верушевски, за објавувањето на прислушуваните разговори. Од Транспаренси во целост го негираат ваквото тврдење.

-Демантираме дека кампањата за whistleblowers е започната со цел да се заштитат одредени поединци во македонската политика и дека е поврзан со судската одлука за случајот „Пуч“. Кампањата се спроведува во рамки на проектот “Застапување и заштита на пријавувачите, вклучувајќи ги медиумите и граѓанското општество”кој е започнат на 15.11.2014 година, неколку месеци пред првото објавување на прислушуваните разговори, се вели во демантот на здружението.

- Advertisements -

Од таму демантираат  и дека здружението Транспаренси Интернешнел Македонија работи на проекти финансирани од Фондацијата „Отворено општество Македонија“, во јавноста попозната како Сорос.

-Здружението никогаш до сега не аплицирало, ниту пак добило грант од оваа фондација. Во ова можете да се уверите од ревизорските извештаи достапни на следниот линк: http://www.transparency.mk/index.php?option=com_content&task=view&id=502&Itemid=84, велат од здружението.

Истакнуваат и дека поради невистинитоста на наводите изнесени во оваа статија, ТИ-М ќе поднесе Барање за извинување и јавно повлекување на објавениот текст и тужба за клевета.

Во меѓувреме Транспаренси Интернешнел Македонија спроведе повеќе активности поврзани со овој проект, вклучително и:

• Изготвување на анализа на Законот за спречување на корупција од аспект на whistleblower во Република Македонија;
 • Објавување на четири истражувачки стории
 • Агенцијата “Рејтинг” спроведе истражување за перцепцијата на граѓаните за етичкото, неморалното и незаконско однесување во фирмите и институциите.
 • Дел од резултатите од истражувањето со назив “СЛАБА ЗАШТИТА И СТРАВ ОД ПОСЛЕДИЦИ ЗА ПРИЈАВУВАЧИТЕ”  беа објавени во неделникот Фокус и дневните весници Слободен печат и КОХА.
 • На три локации во Скопје  беа поставени билборди насловен “ЗА ЗАШТИТА НА ПРИЈАВУВАЧИТЕ”.
 • На 29.04.2015 година, ТИ-Македонија одржа работилница на тема: „Заштита на пријавувачите низ институционалниот систем во Македонија”.

Поврзани новости