Градоначалникот на Неготино Тони Делков е позитивен на корона вирус. Веста ја објави на својата официјална страница, и информираше дека до завршување на периодот на лекување и изолација работните обврски ќе ги извршува од дома.
-И покрај почитувањето на мерките за заштита од корона вирусот, чувствувам обврска да ве информирам дека по извршениот тест за Ковид-19, резултатот е позитивен.
Изразувам длабоко извинување до сите со кои изминатиот период имав контакт и уште еднаш апелирам, почитувајте ги мерките и препораките за заштита од вирусот – објави Делков.
Изминатиот период тој имаше збиена агенда и присуствуваше на повеќе општински настани. Заедно со министерот за земјоделство, шумарство и водостопанство Арјанит Хоџа, со закројување на винова лоза го одбележаа празникот Свети Трифун, а пред четири дена имаше средба со Шеф на мисијата г.Такахаши Сатору од Јапонската амбасада.
Се уште нема официјална информација колку од соработниците на градоначалникот остануваат во изолација.
Вики Клинчарова