Германските експерти се веќе дел од тимот кој ја врши исрагата за пожарот кој ја уништи модуларната болница во Тетово и одзеде 14 човечки животи. Ова за медиумите го изјави градоначалничката на Тетово, Теута Арфи, истовремено информирајќи и за тоа до каде текот на истрагата за пожарот.
Иако локалните власти во Тетово денеска го потврдија учеството на германските криминалистички експерти во истрагата од владата и обвинитеството велат дека тие не се пристигнати во земјава и оти немаат информации кога тие ќе пристигнат, поточно дека деновиве ќе дошле во земјава, објави Телма.
Во меѓувреме модуларната болница во Тетово останува под полициско обезбедување 24 часа.
Од резултатите на истрагата ќе зависи и тоа дали премиерот Зоран Заев ќе ја прифати опонудената оставка на министерот за здравство Венко Филипче, но за опозициските партии тоа е неприфатливо.