Тешка автобуска несреќа во ЈАР: Загинаа 45 луѓе

Во автобуска несреќа во Јужна Африка загинаа 45 луѓе, соопшти Министерството за транспорт.

Како што се наведува, возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земја и се запалило.

Автобусот превезувал луѓе од Боцвана, земја опкружена со Јужна Африка, до Морија, град во Лимпопо.

Спасувачките операции продолжија до доцна денеска.

Некои тела се изгореле до непрепознатливост, а некои патници останале заробени во деловите на автобусот, соопштија сообраќајните власти во Лимпопо.