Студентски глад и студ: Студентите си ги кажаа маките пред Собранието!

Попладнево од 16 часот пред македонското Собрание започна студентскиот протест, кој беше најавен дека ќе се случи пред неколку дена.

Според информациите, протестот се одвива во мирна атмосфера, а студентите со пароли во рацете ги кажаа своите барања до надлежните институции.

„Студентски оброк или политички облог“, „СТУДенти“, „Се тресеме од студ, не од страв“, „На гладно и на ладно не се учи“, се дел од пораките кои ги испратија студентите, а по протестот е најавена средба на студентските претставници со министерот за образование Јетон Шаќири и со пратениците предлагачи на измените на Законот за студентски стандард.

Фото – Прес 24