Стигнаа 3.000 руски вакцини Спутник V – амбасадорот вели дека вакцината станува светски „бестселер“

by fokus 15:00
15:00

На Скопскиот аеродром попладнево пристигна првата пратка вакцини од рускиот производител „Спутник V“. Ги пречекаа министерот за здравство Венко Филипче и амбасадорот на Руската Федерација во земјава Сергеј Баздникин.

Вакцините, вкупно 3.000, се во соодветно пакување, а ќе се чуваат на – 18 до -20 степени, за што потребната инфраструктура е подготвена. Вакцините ќе бидат ставени во посебни фрижидери, по што ќе се организира и процесот на вакцинација во пунктовите во Здравствениот дом – Скопје. Како што изјави министерот Филипче, вакцинацијата веројатно ќе почне во среда.

- Advertisements -

Според Филипче, од кинеската вакцина се очекуваат 200.000 дози од кои одредена количина може да дојде за кратко време, но се уште не е точно потврдено кога.

Рускиот амбасадор рече дека вакцината ќе придонесе за спасување човечки животи и за враќање на македонската економија на траекторијата на раст. Тој потсети дека ова e првата регистрирана вакцина против корона во светот и порача дека е безбедна и ефикасна. -Со право станува светски бестселер, рече Баздникин. Тој се уште не е вакциниран и рече дека тоа ќе го направи кога ќе се испорачаат вакцини за руската амбасада во Македонија.

Поврзани новости