Стартува судењето за уривањето на „Космос“

Во Кривичниот суд денеска треба да стартува судењето за предметот „ТНТ“ на СЈО, кој се однесува на уривањето на комплексот „Космос“ на бизнисменот и претседател на  Партијата за европска иднина Фијат Цаноски.

Во овој предмет обвинети се седум  лица меѓу кои, поранешниот премиер Никола Груевски, поранешниот министер за транспорт и врски Миле Јанакиески и поранешниот градоначалник на Гази Баба, Тони Трајковски.

Со новиот годишен распоред предметот „ТНТ“ е распределен кај судијата Огнен Ставрев.

Апелацискиот суд на 4 ноември минатата година одлучи прислушуваните разговори во случајот „ТНТ“ за уривањето на комплексот „Космос“ да можат да се користат како докази во судската постапка.